Suspected stroke? Call 108 now. Don’t wait for an appointment.
Call 108
తెలుగులో సమాచారం
పక్షవాతం ఒక అత్యవసర పరిస్థితి. లక్షణాలు కనిపించిన వెంటనే 108 కి కాల్ చేసి దగ్గరలోని ఎమర్జెన్సీ విభాగానికి వెళ్లండి. ఎంత త్వరగా చికిత్స మొదలైతే, అంత ఎక్కువ మెదడును కాపాడవచ్చు.
మెదడుకు రక్త సరఫరా అకస్మాత్తుగా ఆగిపోవడాన్ని పక్షవాతం (బ్రెయిన్ స్ట్రోక్) అంటారు. రక్తం అందని మెదడు కణాలు నిమిషాల్లోనే దెబ్బతినడం మొదలవుతుంది.
రక్తనాళంలో గడ్డ అడ్డుపడితే దానిని ఇస్కీమిక్ స్ట్రోక్ అంటారు; ఎక్కువ మందిలో కనిపించేది ఇదే. మెదడులో రక్తనాళం పగిలి రక్తస్రావం అయితే దానిని హెమరేజిక్ స్ట్రోక్ అంటారు. రెండింటికీ చికిత్స వేరు, అందుకే హాస్పిటల్‌కి చేరిన వెంటనే CT లేదా MRI స్కాన్ చేస్తారు.
అకస్మాత్తుగా తూలిపోవడం, నడవలేకపోవడం.
ఒక కన్ను లేదా రెండు కళ్ళలో చూపు తగ్గడం, రెండుగా కనిపించడం.
నవ్వినప్పుడు ముఖం ఒక వైపు వంకరపోవడం.
ఒక చేయి లేదా కాలు బలహీనంగా లేదా మొద్దుబారినట్లు ఉండటం.
మాట తడబడటం, మాటలు సరిగా రాకపోవడం లేదా అర్థం కాకపోవడం.
వెంటనే 108 కి కాల్ చేయండి. వ్యక్తి చివరిసారి బాగున్న సమయాన్ని గుర్తుంచుకోండి.
అకస్మాత్తుగా తీవ్రమైన తలనొప్పి, వాంతులు, మెడ బిగుసుకుపోవడం లేదా స్పృహ తప్పడం మెదడులో రక్తస్రావానికి సంకేతం కావచ్చు.
థ్రాంబోలిసిస్: గడ్డను కరిగించే ఇంజెక్షన్. స్కాన్‌లో రక్తస్రావం లేదని నిర్ధారించిన తర్వాత, సాధారణంగా లక్షణాలు మొదలైన 4.5 గంటలలోపు ఇస్తారు.
మెకానికల్ థ్రాంబెక్టమీ: మెదడులోని పెద్ద రక్తనాళంలో గడ్డ ఉంటే, గజ్జ లేదా మణికట్టు నుండి సన్నని ట్యూబ్ (క్యాథెటర్) పంపి గడ్డను బయటకు తీస్తారు. 6 గంటలలోపు చేస్తే ఎక్కువ ప్రయోజనం; ఎంపిక చేసిన రోగులకు 24 గంటల వరకు చేయవచ్చు.
మెదడులో రక్తస్రావం (హెమరేజిక్ స్ట్రోక్) అయితే బీపీ నియంత్రణ, రక్తం పలుచబడే మందులను ఆపడం, న్యూరో-ICU పర్యవేక్షణ, అవసరమైతే సర్జరీ లేదా అన్యూరిజం కాయిలింగ్ చేస్తారు.
ప్రతి రోగికి ప్రొసీజర్ అవసరం ఉండదు. స్కాన్ ఫలితాలు, సమయం, ఆరోగ్య పరిస్థితిని బట్టి డాక్టర్ నిర్ణయిస్తారు.
Short talks recorded by Dr. Manoj for patients and families, in plain language.
Dr. Manoj Vasireddy explains in Telugu why a brain stroke happens: the blood supply to part of the brain is blocked, or a blood vessel in the brain bursts, and brain cells start to die within minutes.
Dr. Manoj Vasireddy explains the first signs of a brain stroke and the FAST warning signs, and what to do straight away when they appear.
Dr. Manoj Vasireddy explains what causes a brain stroke and how lifestyle changes and early medical care can lower the risk.
A detailed Telugu interview with Dr. Manoj Vasireddy on the signs that can appear before a brain stroke, who is at risk, and what to do when symptoms start.
Open Mon–Sat, 9AM–5PM
పక్షవాతం నివారణ లేదా ఫాలో-అప్ కోసం KIMS హాస్పిటల్స్ (న్యూ ఫెసిలిటీ), కొండాపూర్‌లో డా. మనోజ్ వాసిరెడ్డిని సంప్రదించండి. పాత రిపోర్టులు, స్కాన్లు తీసుకురండి. అత్యవసర పరిస్థితిలో 108 కి కాల్ చేయండి.
Choose a day from Monday to Saturday. The clinic calls back to confirm your time.
Request appointment
